Das Bild links han ich hüt 1:1 so gseh und direkt kopiert 😂. Damits nöd ganz so krass kopiert isch, hani en Teil uf schwizerdütsch übersetzt 😎. Uf englisch tönet eifach so viel Sache im Business geiler. All die Motivationssprüch tönet viel chraftvoller als im Toggenburger Dialekt 😅. So Slides han ich relativ hüfig i mim Feed und ich speichere mir die zu 1000te ab, aber ich luegs nachher gar nie meh a 😁... Drum han ich de hütig mal chli usenand gnoh.
Als Durchschnittsschwizerin würdi behaupte, dass es allgemein üsi Eigeschaft isch, zum eher chlii denke, chlii plane, nöd zu gross mit Erfolg protze und Bescheide si. Ich mein das nöd nur in Bezug uf ganz Grossi Sache, wie z.B. Firma gründe, Millione Business ufzieh, sondern es fangt scho bi de chline Sache a.
Wenn mer öpis wöt, denn duet mer #1 s'Ziel klar definiere, denn stellt mer #2 en guet durchdachte Plan uf, wo uf eim und die aktuelle Lebensumständ zuegschnitte isch, denn #3 macht mer sich ad Umsetzung und duet #4 step by step kontrolliere und apassige vorneh. Wie ime Konzept ;).
Und au wenns schwankige iinnerhalb vo de Täg git, wenn mer langfrischtig zume grosse Teil genau so handlet, wie im Plan definiert (80/20 Methode viellicht scho mal ghört?), denn chas nur ufe gah und me wird sis Ziel erreiche!
I ha na nie en ergizige Mensch kenne glernt, wo kei Erfolg gha het! Du?
Han hüt e chlini Podcastfolg dezue ufgnoh, willi grad es aktuells Bispiel dezue han.
Comments