Vor einiger Zit han ich es Buechhaltigswebinar ghalte und döt en Einzelunternehmer kenne glernt, wo mich um Hilf bi sinre Buechhaltig bete het. Mir hend scho es paar Fäll mitenand glöst i de Vergangeheit und und ich ha ihn dörfe coache, sodass er zuekünftig die Sache chan selber mache. Ehrlichgseit find ich's sehr cool, wenn ich öpertem öpis chan zeige, sodass er mich nachher nüm brucht 😂.
Üsers aktuellschti Projekt sind sini 3 Kreditkartene, wo er für s'Jahr 2022 mun na buechä. Ich ha ihm zeiget wie's gaht und mir hend (eigetli) abgmacht, dass er je eini macht und mir die zeme alueget. Voller stolz het er mir hüt Morge gschriebe, dass er bereits alli gmacht het: also 3 x 12 Mönet = 36 Abrechnige, was e unheimlichi Büez isch 😅. Er het mega viel richtig gmacht, aber es hend sich überall chlini Fehler igschliche, er het de Saldo nie kontrolliert und denn bisch am Schluss eifach Stunde am sueche, wo de Fehler isch...
Wenn mer i de Buechhaltig viel wöt selber mache isch das super, aber bi Unsicherheite lieber eimal meh nafroge und denn witer mache. Das spart Geld und Nerve! Aber us Fehler lernt mer ja bekanntlich. Vor allem us denne, wo viel Geld choschtet ;).
Comments