Stress isch e Reaktion, wo sich körperlich und psychisch uswürkt. Oft bi herusefordernde und belastende Situatione. S'Stresshormon Cortisol wird usgschüttet und wenn mer nüt änderet, denn het das langfrischtig negativi Uswürkige uf üsi Gsundheit. Mir sind agspannt, unruhig und erschöpft. Gnau i dene Moment find ichs aber umso schwieriger, zum denn irgend e Atemmeditation mache oder sich was guets tue, wenn Gedanke non stop am Kreise sind.
Fakt isch aber: Me muess eifach e Strategie finde, wo für eim passt. Im Netz find mer 1000igi vo Tipps, wo chönd helfe und wenn mer selber viellicht grad kei Lösig het, denn hilfts, wenn mer sich mitre andre Person ustuscht und sie die ganz Situation vo usse betrachtet. Ich ha scho so viel feschtgstellt, dass wenn ich ime Dilemma gsi bin und ich mit öpertem drüber gret han, die Person gnau die richtige Wort gfunde het oder mir chli en andre Lösigsasatz het chöne zeige.
Stress isch bi mir oft sehr positiv und han ich au gern. Mich macht das recht produktiv. Damits aber nöd is negative gheit hilfts mir, es guets Zitmanagement z'ha, mich richtig z'ernähre (was i stressige Situatione nöd immer so eifach isch), a die frisch Luft z'gah und mich mit Lüt usztusche. Plus merk ich immer meh, dass ich i de Wuche immer mal wieder Zit für mich muss ha, won ich irgendwas für mich chan mache. Aktuell sind das: Blackroll, Joggen, Chärtli male, Podcast ufneh oder Posts schriebe. Jedem das seine, aber falls immer Sress hesch, denn ändere umbedingt öpis dra, das söt echt nöd si.
Comments