Nehmet mir die Definition vo ChatGPT mal usenand: Es gaht drum, wie effizient Ressource igsetzt werdet um en gwüsse Output oder Wert z'generiere. Was isch mit Ressource gmeint:
1 - Naturressourcen, also z.b. Rohstoff us de Natur
2 - Menschliche Ressourcen - s'Wüsse, Erfahrig, Fähigkeite vo üs menschliche "Wesä" :D
3 - Finanzielli Ressource - Money, money, money --> flüssigs, Investoregelder etc.
4 - Technologischi Ressource - Maschinä, Werkzüg, Software etc.
5 - Zitlichi Ressource - s'Wort spricht für sich
Die füf han ich vor öpe 6 Jahr na müsse lerne für de Marketingleiter. Hüt sind sogar na 3 neui dezue cho:
6 - Energie --> Alles, wo notwendig isch für de Betrieb vo Maschine
7 - Soziali Ressource --> Soziali Kontäkt on- sowie offline
8 - Information --> Datebeschaffig vor allem online
Produktivität isch es Thema, wo mich sit Jahre beschäftiget. Ich probier immer wieder je nach Situation apasst, wo bi mir vor allem die "zitlich Ressource" e grossi Rolle spielt, mini Produktivität azpasse, verbessere, optimiere. Viellicht tönt das liecht übertriebe für en "normale" Mitarbeiter :D, aber wie scho 1000 mal gseit uf dem Kanal: Ich lieb KMU, wenni irgendwo schaff, denn mit allem, woni han und egal ob ich 100% schaff, uf Stundebasis, 60% etc., mis Ziel isch es, i dere Zit chöne 100% z'geh.
Das isch mis Ziel, aber niemer isch perfekt und drum muss ich das bi mir Regelmässig apasse. I de letschte 4 Jahr het sich mini Situation mengisch vo Monet zu Monet veränderet: Cedi Hockeysaison, a am Stille, schlafet nöd guet, Chind plötzlich Termin (Spielgruppe und Co.), alles zemä und na viel meh. Ich bi au verdammt viel am strugle gsi, aber jetzt hani echt mini Produktivität gfunde. Und zwar i dem ich zersch analysiert ha: wenn bin ich am Produktivschte und nachher: wie cha ich das mit mim aktuelle Lifestyle umsetze. Ich seg nur öpis: es het mit 5i ufstah ztue. Viellicht schreckt das grad viel ab, aber loset umbedingt i mini hütig Podcastfolg, wos um das gaht und ihr nachher viellicht chönd drus schlüsse, wie ihr das chönd umsetze.
Comments