Mitarbeitergespräch - so bereitest du dich optimal vor

Mitarbeitergspröch: öppis, wo ich i minre ganze Bruefszit immer gliebt ha. Ich ha immer es kollegials Verhältnis zu mine Chefe gha, sogar wenns über 60gi gsi sind 😝 und dur das isch es jewiels eifach es lockers Gspröch gsi, womer en Kafi trunke het. Morn staht wieder eis a und au das wird es lockers si, will ich kenn mini Chefin sehr guet, mir sind mega viel im Ustusch (mengisch scho fascht täglich 😁) und drum werdi mit ihre morn en Tee trinke, will sie Kafi nöd gern het, und mir plauderet chli übers schaffe. Und wer sie kennt glaubt mir, dass bi some stündige Gspröch nachher wieder 1000 Businessideä entstande sind 😂. Ich ha mir drum hüt Abig mal Gedanke gmacht, wie us minre Sicht, sones Gespräch söt vorbereitet werde, damits konstruktiv isch.

Es git uf Google 1000igi Vorlage, aber irgendwie findi die nöd so praxisorientiert. Ich ha drum min Stellebeschrieb mal aglueget und denn immer d'Übergriff als Punkt ufgfüert und Notize gmacht, was High- und Lowlights i dem Bereich gsi sind. Oberbereich, wo ich würd vorschlah sind folgendi:

> Stellenziel (was sind High- und Lowlights gsi, wo du dim Gfühl na dim Stellenziel hesch chöne grecht werde oder ebe nöd)

> Ziele (Erreichti Ziel und misslungni Ziel. Was hesch drus glernt?)

> Aufgaben (Was sind High- und Lowlights bi dine Ufgabe gsi?)

> Nebenaufgaben (Was sind High- und Lowlights bi dine Nebeufgabe gsi?)

> Zusammenarbeit und Schnittstellen (Wo isch Zemearbeit super und wo chönt sie besser si. Was chönt mer mache, dass es besser wird?)

> Stellverretung (Wie isch Zemearbeit mit anderne Teammitglieder und wo gäbtis Verbesserigsmöglichkeite?)

Denn würd ich nachher ufschriebe, was konkreti Wünsch und Ziel für Zuekunft sind. Wo du dich gsehsch oder viellicht au d'Frog a din Chef: Wo er dich gseht?

Denn de Lohn: wennd meh Lohn wötsch, denn bitte au immer begründe wieso du das verdient hesch 🙏. Ich persönlich find aber, dass mer memgisch au eifach mal z'friede chan si und viellicht au mal vergliche, was mer susch für Benefits het.

#mitarbeitergespräch #kmu #mitarbeiter