Die Definition von ChatGPT: Kreativität ist die Fähigkeit, originelle Ideen und Lösungen zu generieren, die über herkömmliche Denkmuster hinausgehen. Sie beinhaltet Originalität, Problemlösung, Vorstellungskraft und Flexibilität. Kreativität kann in verschiedenen Bereichen angewendet werden und spielt eine wichtige Rolle in Innovation und Fortschritt. Es ist keine ausschließlich angeborene Fähigkeit, sondern kann entwickelt und gefördert werden.
Mir sind morn bi Kollege iglade und ich ha gfröget, ob ich de Dessert söll mache. Usgrechnet ich, wo absoluti Nieti i de Chuchi bin :D... Aber sie macht selber mega feini Desserts und drum wird sie e nei segä... Leider nein, sie seit sogar de Brüeder vo ihrem Maa wünschi sich en vegane Dessert vo mir. Wer mich scho meh als zwei Jahr kennt, de weiss, dass ich währet Corona e übli "Vegani-Dessert-Phase" gha han :P. Uf Insta han ich non stop irgendwelchi vegani laiä Türtli und Bananebrot postet und es het 1. nöd mal richtig guet usgseh und 2. sinds jetzt au nöd de absoluti gschmacklich Wahnsinn gsi, aber das isch jetzt nun mal au e Phase gsi vo mim Lebe :D... Und hüt han ich aber richtig Bock gha, zum für morn en "geile" Dessert mache. Ok, ich übertriebs wiedermal: ich mach 2! Ich bi immerna dra, aber da isch mir grad die Idee zu dem Post cho und drum unterbrech ich mis Backgelega schnell :P.
Ich bi vorher bi mim ältere Sohn im Bettli glege und plötzlich isch mir d'Erlüchtig cho, wieso ich grad so bock ha zum bachä! Ich bi eifach grad verdammt guet organisiert und ha Zit für "Kreativität". Min letschte Post und Podcast zum Thema Produktivität het bi mir grad so viel bewürkt, au wenn d'Umständ aktuell nöd so super eifach sind, bini grad mega guet Organisiert und das hilft prutal, damit ich mit allne Arbeite noh bin, Huushalt einigermasse im Griff han :P und i ha echt grad verdammt viel Zit für Me-Time zum z.B. bachä, jogge, die Posts für Goodlancer z'verfasse, en Podcast ufneh, Chärtli molä und eifach mal i de Sunne ligge und es Heftli lese. I bin echt relaxed und mini 3 x 5i Methode het sich sehr bewährt. Meh zu dem gits i de Podcastfolg zum Thema "Produktivität". Wer wöt wüsse, um was das es gnau gaht, lost am beschte rasch dri :P.
Comments