Im Podcast bini eigetli non stop präsent, aber für Insta und Blog hani wie kei Zit gha, aber jetzt het das chli gänderet ;).
Und krass, ich ha scho länger denkt, ich setti de Instakanal entweder lösche oder wiedermal en Post mache, aber dass de letscht Post am 1. Februar 2022 gsi isch, hetti jetzt doch nöd denkt. Ursprünglich han ich mit dem GOODlancer Zügs agfange, wo de Milo öpe 6 Mönet gsi isch und ich für mini Chefin usprobiert han, wie das mit dene "Podcasts" so funktioniert :D. Ich ha KMU scho immer gliebt und finds eifach cool, wenn es Unternehme speziell isch. Egal i wellere hisicht. Selbständig chönt ich mich nöd mache, ich due lieber unterstütze, wo öper Passion het und drum han ich bis jetzt bi all mine Jobs als Arbeitnehmerin au so glück gha, will genau das mis Kriterium Nr. 1 gsi isch. Woni de hütig Post gmacht ha vo üsem Team-Event, han ich denkt: das isch doch perfekt für es neus Projekt vo mir. Ich verzell eu ab jetzt mini Erlebnis mit Unternehme, was ich cool find und wer weiss, viellicht inspirierts de eint oder ander vo eu ja :).
コメント