Generation Z het mich zum letschte mal krass intensiv beschäftigt, woni im 2018 mini Diplomarbeit über Digitalisierig vo de Treuhandbranche beschäftigt han. I letschter Zit merk ich (beschämt :D), dass ich ab und zue mal s'Wort "die Junge" is Muul nimm und debi bini doch erscht 30gi :D... Aber ich merk richtig, dass ich bi teils Themene "alt" bin. Und drum hani denkt, ich chum jetzt mal us dem Lästere usse und frog öper, wo würkli Generation Z isch, wie sie das gseht. Ich ha paar Facts zu dere Generation, verzell chli, was das für en Arbeitgeber bedütet und am Schluss gits na es Interview mit de Sereina. Sie isch Jahrgang 2005 und das Jahr 18ni worde. Ich wöt vo ihre wüsse, was sie vo dene Facts haltet und wie sie's gseht. Falls eu das Thema interessiert, denn loset doch i die 99igscht Goodlancer Folg. Ich würd mich freue :).
Comentarios