Es seit dir am Schluss Niemer Danke!... und denn folget bemitleidendi Blick 😂.
Hand uf's Herz: Hesch de Satz scho mal vo öpertem gseit becho oder selber öpertem gseit 😝? Ich ha grad mit de Tanja über das gret, und zwar: das isch eifach en absolute "seich ", wie mer im #toggenburg so schön seit 😉! Tanja isch wahrschindli die Person, wo mir vo de Arbetsistellig am nöchschte chunt 😝: Mir sind beidi Freaks wenn's um Perfektion gaht, liebets ime coole Team und chli reality soap feeling z'ha, chönd Stunde über Zahle und üsi Budgets philosophiere, chönds nöd verstah, wie mer mit es bitzli hueschte sich chrank cha melde und das verbindet üs total 😂.
Und jetzt namel zu dem Satz: "es seit dir am Schluss niemer danke"! Solang du dini Chunde, din Chef, dini Mitarbeiter, dini Lieferante, dis Umfeld, din hase oder what ever nöd schätzisch und dankbar bisch und das au nöd zeigsch, denn chunts halt eifach au nöd zrugg 🤷😂✌️. Klar bini jetzt nöd übertriebe dankbar, wenn de Service nöd guet isch, aber wenns mal usgezeichnet isch, denn säg ich das au! Und es isch so schön, wie d'Lüt uf Kompliment reagieret im Bezug ufs schaffe. Üs Schwizer sind Kompliment ja immer liecht unagnehm, aber sobalds ums schaffe gaht, duets üs doch allne chli guet 😂?!? Spezielli ufmerksamkeite, service leischtige, produktqualutät etc. muess mer eifach wertschätze und wenn mer so durs lebe gaht, denn Bini fascht 100% sicher, dass au dir mal öper danke seit 😉.
Oder bisch du e usnahm 😝?
Comments