I de Schwiz chunt mer chline KMU mega entgege. So z.B. au bi de Buechhaltig: Wenn de Umsatz under CHF 100'000.- isch und mer d'Rechtsform Einzelunternehmig gwählt het, denn het mer theorethisch d'Möglichkeit, statt de "doppleti Buechhaltig" e "eifachi Buechhaltig" z'füere. Umgangssprachlich chamer dem au "Milchbüechlirechnig" sege. Eifach all Inahme und Usgabe gegenüber stelle, beschriebe was es gnau gsi isch, de Beleg dezue ablege et voila. Mis Mami macht das mit ihrem Fuesspflegestudio z.B. so 😉.
Was isch e eifachi Buechführig:
Was sind die gsetzliche Aforderige:
Wer dörf e eifachi Buechführig mache:
Wie gseht sone eifachi Buechführig us:
Au wenn min Umsatz Bi weitem nöd Bi 100'000 isch 🤪 chunt für mich das aber us verschiedene Gründ nöd in Frag:
#1 - Dur e doppleti Buechhaltig wird d'Erfolgsrechnig und d'Bilanz gfüert. Mit verschiedene Ertrags- und Ufwandskontene het mer so en viel bessere Überblick, für was s'Geld inne cho isch und für was, dass es use gange isch.
#2 - Wer mich scho länger kennt, de weiss, dass mis Herz nur für ei Software im Buechhaltigsbereich schlaht und zwar für @bexio_software. Ich cha döt mini @zkb.ch abinde und Transaktione vo mim Konto direkt id Software inne "suge", muss mir so im erschte Moment kei Gedanke über "soll" und "haben" mache.
#3 - Mittels Scan-App chan ich direkt all Transaktione id Software inne lade und erfüll en wichtige Task: Kei Buechig ohni Beleg.
#4 - Au wenns wenig verstönd: Ich ha sehr viel Spass bi dere Arbeit 🤪
Logischerwies isch jedi Software nur so guet, wie sie de User verwendet und s'Know How spielt definitiv e Rolle. Aber es git nüt, womer nöd chan lerne und drum zeigi gern au anderne, wie sie das selber chönd mache und so chamer nemli sehr viel Geld spare ;).
Comments