Okeeee, ich gib's zue: bi bexio bin ich chli vorbelaschtet :P. Mit bexio bin ich sozäge erwachse worde und ich lieb all die Erinnerige a die Zit. Jetzt git's aber e objektivi Bewertig zu dere Firma, wobi au die nöd ganz objektiv isch :).
on ich na bi bexio gschaffet han, isch nach de Haupt Startup Phase s'Thema Mitarbeiter Benefits ufcho. Ich persönlich bi eher öper gsi, wo gfunde het, dass es das nöd brucht, will ich's sowieso voll geil gfunde ha i dere Firma z'schaffe, aber nach es paar Jahre han ich gmerkt, dass wenn mer grösser wird, isch es na viel wichtiger, de Mitarbeiter chli meh chöne z'büte als andri, da de Arbeitsmarkt grad sehr umkämpft isch und viel Arbeitschräft fählet.
bexio het denn s'Thema "Sportagebot" in Ruum gworfe und da ich bereits döt nebet mim 100% Job bi bexio bi de Laura und Goldenbody chli Buechhaltig gmacht ha, isch klar gsi, dass ich de Name is Spiel bringe, da Goldenbody us minre Sicht döt scho top gsi isch vo de Kompetenz rund um Sport und Ernährig. Nach öpe 5 Jahr isch mini Situation e ganz andri und zwar gib ich jetzt eimal i de Wuche für bexio e Bootcamp Stund über de Mittag. Und genau darum isch die Bewertig nöd ganz so objektiv :P.
Wie cool isch es, wenn du bi dim Arbeitgeber gwüssi "Freizit" todo's bereits chasch abhoggä? Mir treffet üs immer am Zischtig entweder verrusse oder im Golden House und machet zeme plus/minus vo 12:10 bis 12:50 es Training. Es isch e cooli Truppe und all gend immer Vollgas. Ab und zu bemerkt ich, wie Business Themene zwüschet Squat und Mountain Climbers diskutiert werdet, aber vor allem wird viel glacht, gschwitzt und sich uspoweret. D'Lüt chönd de Chopf lüfte und ich glaub genau das isch en super Usglich zum Büroalltag. Mitme Schrinerunternehme wär das jetzt viellicht de falsch Benefit, aber es gaht doch genau darum, dass mer sich überleit, was chönt mer de eigete Mitarbeiter für en Benefit geh, wo ihne nebet em "normale" Job öpis bringt und mir sind nur ein Benefit vo bexio, wo ihrne Mitarbeiter geh wird. Falls ihr grad uf Jobsuechi sind, denn lueget doch gern döt mal uf de Website verbi, sie suechet und bruchet immer viel gueti Lüt :).
Comments